ഒരു നാള്‍ നമ്മള്‍

രണ്ടാത്മാക്കള്‍ ആകും,
അന്ന്
സ്നേഹമെന്തന്നു നീ എനിക്ക്

ചൊല്ലിത്തരേണം....

 

"നോവുകള്‍ ചിരിക്കുന്ന -
കാലം വരും ,
അന്ന് ,
കനവിലൂടെങ്കിലും നിന്നെ ഞാന്‍ -
കാണാന്‍ ശ്രമിക്കാം...."

"എല്ലാം മറക്കുന്ന ,ഒരു
കാലം വരും
അന്ന് ,
എന്‍റെ കനവിന്‍റെ തൊടി -
യിലൂടെ നമ്മള്‍ കൈ -
കോര്‍ത്ത്‌ നടക്കും ..... "

 

തുറക്കാത്ത വാതിലുകളില്‍ മുട്ടുന്നതാരാണ് .. നിശയുടെ മധ്യയാമങ്ങളില്‍  ഉറങ്ങാതലയുന്നത് ആരാണ് .. വീശുന്ന മഴകാറ്റില്‍ മുഖം  മറച്ചു തേങ്ങുന്നതാരാണ് ഒരിക്കലുo  വിരിയാത്ത സ്വപ്നത്തിന്‍ വര്‍ണ നൂലുകള്‍ ചികയുന്നതാരാണ്.. സ്വപ്നത്തിന്റെ മഴനൂലുകള്‍ കൊണ്ടു .. പ്രണയത്തിന്റെ കാറ്റില്‍ഉറങ്ങാതിരുന്നു .. ഈ വാതിലുകള്‍ക്ക് പിന്നില്‍ അലസ്സംമായി .. ഉറങ്ങുന്ന പ്രാണനെ സ്വപ്നത്തിലേക്ക് ഉണര്‍തുന്നതാരാണ് ..

പ്രണയം..... 

കാലം ആത്മാവില്‍ വീഴ്ത്തിയ മുറിവുകളില്‍ 

അമര്‍ത്തിയ നിര്‍മലമായ നിന്റെ 

കൈപ്പടമാണെനിക്ക്‌ പ്രണയം 

എന്റെ മുറിവുകളുടെ വേദന ചോദിച്ചു വാങ്ങി 

നിറകണ്ണുകളോടെ നീ വിടര്‍ത്തിയ 

പുഞ്ചിരിയാണെനിക്ക്‌ പ്രണയം 

ഒറ്റപ്പെട്ടുപോയ ജീവിതത്തിന്റെ ഊഷരഭൂമിയില്‍ 

വന്യമായ ഉഷ്ണക്കാറ്റ്‌ വിഴുങ്ങാതെ എന്നിലെത്തിയ 

നിന്റെ വാക്കുകളാണെനിക്ക്‌ പ്രണയം 

നിന്റെ പ്രണയം എന്നില്‍ നഷ്ടപ്പെട്ട 

ജീവന്റെ ശ്വാസമൂതുന്നു.. 

ഹൃദയരക്തം തൊട്ട്‌ ഒരു വാക്കു മാത്രം 

നിനക്കായ്‌ കുറിക്കുന്നു..