മധുരസ്വപ്നങ്ങൾ
മധുരസ്വപ്നങ്ങൾ ഒത്തിരി
മധുരസ്വപ്നങ്ങൾ

പട്ടുറുമാലിൽ തുന്നുന്നൂ ഞാൻ
ഒത്തിരി മധുരസ്വപ്നങ്ങൾ
തുന്നുവതാർക്കാണീ തൂവാല
പൊൻ കിനാവിൻ തൂവാല

മിഴിനീരോടെ വിരിയും ഒരു
പനിനീർ പൂവിനോ
പനിനീർപ്പൂവിൻ മിഴിനീരൊപ്പാൻ
പാടും കുയിലിന്നോ

തിരുമിഴിയിരവിൽ കൂമ്പും ഒരു
താമരമലരിന്നോ
താമരമലരിൻ തപസ്സിലലിയും
കന്നിനിലാവിന്നോ

കിളിവാതില്‍പ്പടി തന്നിൽ ഒരു
കിനാവു കാണുമ്പോൾ
കിനാവിൽ വന്നെൻ കരളിൽ മയങ്ങും
കളഹംസത്തിന്നോ